செய்தி மற்றும் நிகழ்வுகள்

අත්තනගල්ල ප්‍රාදේශීය ලේකම් කාර්යාල පරිශ්‍රයේ කාබනික වගාවක් ලෙස සුහුරු ගෙවත්තක් ආරම්භ කිරීමත් ඊට සමගාමීව ආදර්ශ කාබනික පොහොර නිෂ්පාදනයක් සිදු කිරීමත් පසුගියදා අත්තනගල්ල ප්‍රදේශීය ලේකම්තුමාගේ උපදෙස් මත ආරම්භ කෙරිණි.කාබනික පොහොර ජනතාව...

දිවුලපිටිය ප්‍රාදේශීය ලේකම් කොට්ඨාසයේ දූනගහ, දාගොන්න, කෝන්ගොඩමුල්ල, අලුතැපොළ, දිවුලපිටිය හා බඩල්ගම යන මහජන සෞඛ්‍ය පරීක්ෂක කොට්ඨාසවල කොවිඩ් කමිටු රැස්වීම පසුගියදා රාජ්‍ය අමාත්‍ය ඉන්දික අනුරුද්ධ මහතාගේ ප්‍රධානත්වයෙන් දිවුලපිටිය ප්‍රාදේශීය ලේකම් කාර්යාලයේදී පැවැත්විණි.

මේ වන විට මෙම කොට්ඨාසය තුළ කොවිඩ් රෝගීන් වාර්තා වීම හා එය පාලනය කිරීම, නිරෝධායනය වන පවුල් සඳහා ආහාර ද්‍රව්‍ය ඇතුළත් බඩු මලු  ලබා දීම සහ කොවිඩ් එන්නත්කරණ වැඩසටහන ක්‍රියාත්මක කිරීම ආදී කරුණු සම්බන්ධයෙන් මෙහිදී සාකච්ඡා කෙරිණි.

මෙම අවස්ථාවට දිවුලපිටිය ප්‍රාදේශීය ලේකම් ඩබ්ලිව්.ඩබ්ලිව්.එම්.ඩී. කුමාරි, සහකාර ප්‍රාදේශීය ලේකම් සුමුදු අතුකෝරල යන මහත්මීන්, මහජන සෞඛ්‍ය පරීක්ෂක නිලධාරීන්, ග්‍රාම නිලධාරීන් ඇතුලු රාජ්‍ය නිලධාරීහු පිරිසක් සහභාගි වූහ.

co19meeting co19meeting2

ගෙවතු වගා සංවර්ධන වැඩසටහන යටතේ මහර ප්‍රාදේශීය ලේකම් කොට්ඨාසයේ සමෘද්ධිලාභීන් සඳහා ගම්මිරිස් පැළ බෙදාදීම පසුගියදා ගම්පහ පාර්ලිමේන්තු මන්ත්‍රී සහන් ප්‍රදීප් විතාන මහතාගේ  ප්‍රධානත්වයෙන් මහර ප්‍රාදේශීය ලේකම් කාර්යාලයේ දී සිදු කෙරිණි.

මේ අවස්ථාවට මහර ප්‍රාදේශීය සභා සභාපතිනී සුදීමා චාන්දනී, මහර ප්‍රාදේශීය ලේකම් ශිරන්ති විමලසේන යන මහත්මීන් එක්ව සිටියහ.

pepper pepper2

දිවුලපිටිය ප්‍රාදේශීය ලේකම් කොට්ඨාසයේ මරදගහමුල, කොටදෙණියාව, මඩම්පැල්ල, කලුඅග්ගල සහ වල්පිට යන මහජන සෞඛ්‍ය පරීක්ෂක කොට්ඨාසවල කොවිඩ් කමිටු රැස්වීම පසුගියදා රාජ්‍ය අමාත්‍ය ඉන්දික අනුරුද්ධ මහතාගේ ප්‍රධානත්වයෙන් දිවුලපිටිය ප්‍රාදේශීය ලේකම් කාර්යාලයීය ශ්‍රවණාගාරයේදී පැවැත්විණි.

මේ වන විට මෙම කොට්ඨාස තුළ කොවිඩ් රෝගීන් වාර්තා වීම හා එය පාලනය කිරීම, නිරෝධායනය වන පවුල් සඳහා ආහාර ද්‍රව්‍ය ඇතුළත් බඩු මලු  ලබා දීම සහ කොවිඩ් එන්නත්කරණ වැඩසටහන ක්‍රියාත්මක කිරීම ආදී කරුණු සම්බන්ධයෙන් මෙහිදී සාකච්ඡා කෙරිණි.

මෙම අවස්ථාවට දිවුලපිටිය ප්‍රාදේශීය සභාවේ උප සභාපති රංජිත් මුණසිංහ මහතා, දිවුලපිටිය ප්‍රාදේශීය ලේකම් ඩබ්ලිව්. ඩබ්ලිව්. එම්. ඩී. කුමාරි මහත්මිය සහ මහජන සෞඛ්‍ය පරීක්ෂක නිලධාරීන්, ග්‍රාම නිලධාරීන් ඇතුලු රාජ්‍ය නිලධාරීහු පිරිසක් සහභාගි වූහ.

cov meet covid meeting2

ගම්පහ මහ නගර සභාව මගින් නගර සභා බල ප්‍රදේශය තුළ වෙසෙන වයෝවෘද්ධ වැසියන්ගේ නිවෙස් වෙත ගොස් කොවිඩ් ප්‍රතිශක්තිකරණ එන්නත ලබාදීමට පියවර ගෙන ඇත.

ගම්පහ නගරාධිපති එරංග සේනානායක මහතාගේ අදහසකට අනුව නගර සභාවේ සෞඛ්‍ය වෛද්‍ය නිලධාරී සඳරුවන් පනාපිටිය මහතාගේ මෙහෙයවීම මත මෙම එන්නත්කරණ වැඩපිළිවෙල ක්‍රියාත්මක වන අතර  වෛද්‍ය මිතුම් පෙරේරා මහතා ස්වේච්ඡාවෙන් මේ සඳහා සහාය ලබාදෙනු ඇත.

මෙම වැඩපිළිවෙළට අනුව දැනට 250 දෙනෙකුට පමණ එන්නත ලබා දීම සිදු කොට ඇති බවත් මේ යටතේ එන්නත ලබා ගැනීමට අපේක්ෂා කරන වැඩිහිටියන් හට , ප්‍රදේශයේ නාගරික මන්ත්‍රීවරයා හෝ ග්‍රාම නිලධාරීවරයා දැනුවත් කරමින් " සයිනොෆාම් " එන්නත ලබා ගැනීමට හැකි බවත් නගරාධිපති එරංග සේනානායක මහතා දැනුම් දීමක් කර සිටී.

mobile vacine mobile vacine1 mobile vacine2

පාරිභෝගික ආරක්ෂණ පනත යටතේ රජය විසින් නිකුත් කළ අති විශේෂ ගැසට් පත්‍රය මගින්  පාලන මිල නියම කර ඇති සහල් සහ සීනි යන අත්‍යවශ්‍ය ආහාර ද්‍රව්‍ය වැඩි මිලට විකුණන වෙළඳසැල් පරික්ෂා කිරීම සඳහා උපාධිධාරි අභ්‍යාසලාභීන්ගේ සහය ලබාගැනීමට පියවර ගෙන ඇති බව ගම්පහ දිස්ත්‍රික් ලේකම් සුනිල් ජයලත් මහතා පවසයි.

දිස්ත්‍රික් ලේකම්වරයා මේ බව පැවසුවේ අද (7) පෙ.ව. 10.00 ට දිස්ත්‍රික් ලේකම් කාර්යාලීය ශ්‍රවනාගාරයේදී  විශේෂ ගැසට් පත්‍රය සම්බන්ධයෙන් පැවති දැනුවත් කිරීමේ රැස්වීම අමතමිනි. පාරිභෝගික සේවා අධිකාරියේ දිස්ත්‍රික් විමර්ශන නිලධාරින් සමඟ මෙම වැටලීම සිදු කිරීමට ගම්පහ දිස්ත්‍රික්කයේ ප්‍රාදේශීය ලේකම් කාර්යාල වලට අනුයුක්ත කර ඇති උපාධිධාරීන් අතුරින් 65 දෙනෙකු සම්බන්ධ කර ගැනීමට අදහස් කරන බවද දිස්ත්‍රික් ලේකම්වරයා වැඩි දුරටත් සඳහන් කළේය.    

 මෙම අවස්ථාවට අතිරේක දිස්ත්‍රික් ලේකම් වරු වන සුගත් කිත්සිරි , ඩී. ඒ. නයනානන්ද, සහකාර දිස්ත්‍රික් ලේකම් එච්. එම්. නිලන්ති කුමාරි, පාරිභෝගික සේවා අධිකාරියේ විමර්ශන අධ්‍යක්ෂ සාලිය සරත් කුමාර,  එහි සහකාර අධ්‍යක්ෂ ඒ.ඒ.ජෆූර් සහ දිස්ත්‍රික් විමර්ශන ප්‍රධානී රංජිත් වීරවර්ධන යන මහත්ම මහත්මීන්ද එක්ව සිටියහ.

caa1 caa2

මහර ප්‍රාදේශීය ලේකම් කොට්ඨාසයෙහි කොරෝනා රෝග ලක්ෂණ සහිත තැනැත්තන් ප්‍රවාහනය කිරීම සඳහා මහර ප්‍රාදේශීය සභාව මගින් නොමිලේ ගිලන්රථ සේවාවක් ආරම්භ කර ඇත.

මහර කොවිඩ් කමිටුවෙහි සභාපති පාර්ලිමේන්තු මන්ත්‍රී සහන් ප්‍රදීප් විතාන මහතා සහ මහර ප්‍රාදේශීය සභාවේ සභාපතිනී සුදීමා චාන්දනී මහත්මිය විසින් කොවිඩ් කමිටුවේදී ගනු ලැබූ තීරණයකට අනුව මෙසේ රෝගීන් ප්‍රවාහනය කිරීම වෙනුවෙන් ප්‍රාදේශීය සභාව මගින් ගිලන්රථ 04ක් යෙදවීමට පියවර ගෙන ඇත.මෙම ගිලන්රථ සේවාව දවසේ පැය 24 පුරාම ක්‍රියාත්මක වන බවත් 011-3458441 යන දුරකතන අංකය අමතා මෙමගින් සේවාව සලසා ගැනීමට හැකි බවත් සභාපතිනී සුදීමා චාන්දනී මහත්මිය සඳහන් කළාය.

මෙහිදී පාර්ලිමේන්තු මන්ත්‍රී සහන් ප්‍රදීප් විතාන මහතා ප්‍රකාශ කොට සිටියේ, මෙම ගිලන්රථ සේවාව ප්‍රාදේශීය සභාවේ උප කාර්යාලයන්හි සිට පවත්වාගෙන යාමට පියවර ගන්නා බවයි.

IMG 20210902 WA0002

වැවිලි අමාත්‍යාංශය මගින් දොරින් දොරට කප්රුක පොල් පැළ ලක්ෂ 40 ක් සිටුවීමේ ජාතික වැඩසටහන යටතේ සංකේතවත් ලෙස පොල් පැළ බෙදාදීම පසුගියදා රාජ්‍ය අමාත්‍ය ආචාර්ය නාලක ගොඩහේවා මහතාගේ ප්‍රධානත්වයෙන්  ගම්පහ ප්‍රාදේශීය ලේකම් කාර්යාලයේදී සිදු කෙරිණි.

මේ අවස්ථාවට ගම්පහ ප්‍රාදේශීය ලේකම් සුරංගා ගුණතිලක මහත්මිය, ගම්පහ ප්‍රාදේශීය සභාවේ සභාපති රංජිත් ගුණවර්ධන මහතා ඇතුළු පරිසක් එක්ව සිටියහ.

polpala04 polpala04 2

polpala04 1

දිවුලපිටිය ප්‍රාදේශීය ලේකම් කොට්ඨාසයේ කොවිඩ් - 19 සමාලෝචන කමිටු රැස්වීම පසුගියදා රාජ්‍ය අමාත්‍ය ඉන්දික අනුරුද්ධ මහතාගේ ප්‍රධානත්වයෙන් දිවුලපිටිය ප්‍රාදේශීය ලේකම් කාර්යාලයේදී පැවැත්විණි.දිවුලපිටිය කොට්ඨාසය තුළ  කොවිඩ් රෝගීන් වාර්තා වීම සහ එය කඩිනමින් පාලනය කිරීම, පි.සී.ආර්. සිදු කිරීම,    කොවිඩ් එන්නත්කරණ වැඩසටහනේ ප්‍රගතිය හා එය තවදුරටත් ක්‍රියාත්මක කිරීම ආදී වූ කරුණු කාරණා සම්බන්ධයෙන් මෙහිදී  සාකච්ඡා කෙරිණි.

මෙම අවස්ථාවට බස්නාහිර පළාත් සභාවේ හිටපු මන්ත්‍රී නෙලුක් දර්ශන මල්ලව මහතා, දිවුලපිටිය ප්‍රාදේශීය ලේකම් තනූජා රාජකරුණා මහත්මිය සහ ප්‍රාදේශීය දේශපාලනඥයන්, පොලිස් නිලධාරීන්, මහජන සෞඛ්‍ය පරීක්ෂක නිලධාරීන්, ග්‍රාම නිළධාරීන් ඇතුලු රාජ්‍ය නිලධාරීහු පිරිසක් සහභාගි වූහ.

covid meeting1 covid meeting2

වෘත්තීය මාර්ගෝපදේශයේ වැදගත්කම හා අවශ්‍යතාව හඳුන්වාදීම සඳහා ඉලක්ක කරගත් තරග මාලාවක් පැවැත්වීමට තරුණ හා ක්‍රීඩා අමාත්‍යාංශය යටතේ ඇති මිනිස් බල හා රැකීරක්ෂා දෙපාර්තමේන්තුව කටයුතු යොදා ඇත. මේ සියලු තරග මාර්ගගතව (Online) පැවැත්වේ.මෙහිදී පද්‍ය රචනා, ගද්‍ය රචනා, චිත්‍ර, කථික තරග, ප්‍රශ්න විචාරාත්මක තරග පැවැත්වෙන අතර මේ සඳහා සහභාගි විය හැක්කේ පාසල් වයසේ පසුවන 9, 10, 11 ශ්‍රේණිවල සිසුන්ට පමණි.

නිර්මාණය කරනු ලබන පද්‍ය රචනා, ගද්‍ය රචනා, චිත්‍ර 2021 සැප්තැම්බර් 12 දින දක්වා සම්පූර්ණ කරන ලද අයදුම්පත්‍ර සමග මාර්ගගතව  මිනිස් බල හා රැකීරක්ෂා දෙපාර්තමේන්තුව  වෙත ඉදිරිපත් කළ යුතුයි. කථික තරග, ප්‍රශ්න විචාරාත්මක තරග 2021  ඔක්තෝබර් 04,05, 06 දිනවල පැවැත්වීමට නියමිතය. මෙම තරග සඳහා සැප්තැම්බර් 12 දින දක්වා අයදුම්පත් මාර්ගගතව ඉදිරිපත් කළ යුතුය.

වෘත්තීය මාර්ගෝපදේශන සතිය වෙනුවෙන් පවත්වනු ලබන මෙම තරග මාලාව සඳහා පාසල් සිසුන්න්ට, විශ්වවිද්‍යාල සිසුන්ට, වෘත්තිකයන්ට, රැකියා අපේක්ෂිතයන්ට මෙන්ව ව්‍යවසායකයන්ටද ඉදිරිපත් විය හැක.

 vta contest1 vta contest2 vta contest3 vta contest4 vta contest5 vta contest6

අත්තනගල්ල ප්‍රාදේශීය ලේකම් කාර්යාල පරිශ්‍රයේ කාබනික වගාවක් ලෙස සුහුරු ගෙවත්තක් ආරම්භ කිරීමත් ඊට සමගාමීව ආදර්ශ කාබනික පොහොර නිෂ්පාදනයක් සිදු කිරීමත් පසුගියදා අත්තනගල්ල ප්‍රදේශීය ලේකම්තුමාගේ උපදෙස් මත ආරම්භ කෙරිණි.

කාබනික පොහොර ජනතාව අතර ප්‍රචලිත කිරීමේ රජයේ ප්‍රතිපත්තියට අනුව යමින් ඉදිරියේදී අත්තනගල්ල ප්‍රාදේශීය ලේකම් කාර්යාල භූමිය පුරාවට කාබනික ගෙවතු වගාව සිදු කිරීමට එම කාර්ය මණ්ඩලය අපේක්ෂා කරනු ඇත.

kabania pohora kabanika pohora 1